Дарханчууд анхлан 2018 оноос эхлэн 60 жилийн насжилттай брак байраа буулган дахин төлөвлөлтийг эхлүүлсэн. Орчин үеийн шийдлээр баригдсан эхний 60 айлын орон сууц 2019 онд ашиглалтад орсон бол 2 дахь орон сууцны түлхүүрийг 2022 оны 1 дүгээр сарын 28-ны өдөр 32 өрх айлд гардуулан өгсөн.
60 айлын 2 дахь орон сууцанд Дархан сумын 5 дугаар багийн 29, 30 дугаар байрны 16 айл өрх орох байсан хэдий ч Хөгжлийн банкны барьцаанд байсан газрын асуудлаас шалтгаалан өнөөдрийг хүртэл орж чадаагүй байсан юм.
Тус асуудлыг аймаг орон нутгийн удирдлагууд төдийгүй УИХ-ын гишүүн, Сангийн сайд Б.Жавхлангийн дэмжлэгтэйгээр шийдвэрлэж чадсан юм.
Ингэснээр 29,30 дугаар брак байрны 16 айл өрх шинэ байранхаа түлхүүрийг гардан авч орчин үеийн тохилог орон сууцандаа орлоо.
0 cэтгэгдэлтэй