ДАРХАН-ШАРЫН ГОЛЫГ ХОЛБОСОН ЗАМЫН 2 ДУГААР БАГЦЫН АЖИЛ 55 ХУВИЙН ГҮЙЦЭТГЭЛТЭЙ БАЙНА

2022-03-23 83 0

Дархан-Шарын гол сумыг холбосон 47 км шороон замыг хатуу хучилттай болгох ажил 2019 оноос эхэлсэн. 2019-2020 онд Шарын гол сумын төвөөс аргалын гарам хүртэлх 17.2 км шороон замыг хатуу хучилттай болгох ажлыг “Төгс зам” ХХК хийж гүйцэтгэсэн. 2021-2022 онд Дарханаас Аргалын гарам хүртэлх 23 км шороон замыг хатуу хучилттай болгох, 24.7 урт метр төмөр бетонон гүүрийн ажлыг “Анандын зам” ХХК гүйцэтгэж байна.

Энэ жилийн ажил 2022 оны 03 дугаар сарын нэгнээс эхэлсэн бөгөөд 2022 оны 03 дугаар сарын 22-ны өдөр УИХ-ын гишүүн, БСШУС-ын байнгын хорооны дарга Г.Дамдинням, аймгийн Засаг дарга Б.Азжаргал нар замын ажлын явцтай газар дээр нь танилцсан юм.

Замын ажил өнөөдрийн байдлаар 55 хувийн гүйцэтгэлтэй байгаа бөгөөд цаг үеийн нөхцөл байдлаас шалтгаалан шатахуун, материалын үнийн өсөлт тодорхой хэмжээгээр нөлөөлж байна гэдгийг гүйцэтгэгч компанийн удирдлагууд ярьж байна. Гэхдээ гэрээнд заасан хугацаа буюу 2022 оны 07 дугаар сарын 1 гэхэд 23 км автозам болон төмөр бетонон гүүрээ ашиглалтад өгөхөөр ажиллаж байгаа юм байна.

Эх сурвалж: ДАРХАН-УУЛ АЙМГИЙН ЗДТГ

Холбоотой мэдээ