ТҮРГЭН ТУСЛАМЖИЙН ТАСАГ ДУУДЛАГЫН АВТОМАШИНЫХАА ТООГ 2-ООР НЭМЭГДҮҮЛЛЭЭ

2022-03-14 77 0

Дархан-Уул аймаг ижил түвшний гадаадын 21 муж, хотуудтай найрамдал хамтын ажиллагаа, ах дүүгийн харилцаатай. Эдгээр найрамдалт харлцаатай 21 аймгийн нэг болох БНСУ-ын Кёнги аймаг юм. Найрамдалт харилцаа, хамтын ажиллагааны хүрээнд 2 автомашиныг буцалтгүй тусламжаар түргэн тусламжийн тасагт өглөө.

Манай аймаг БНСУ-ын Кёнги аймагтай 2014 онд Хамтын ажиллагааны санамж бичигт гарын үсэг зурсан. Тус санамж бичгийн хүрээнд 2 тал хэд хэдэн удаа харилцан айлчлал хийж аялал жуулчлал, эрүүл мэндийн салбарт идэвхтэй хамтын ажиллагаатай билээ.

Автомашины тоог нэмэгдүүлснээр түргэн тусламжийн үйлчилгээний чанар хүртээмж сайжирч иргэдэд түргэн шуурхай эрүүл мэндийн үйлчилгээг үзүүлэх боломж бүрдэж байгаагаараа ач холбогдолтой юм.

Эх сурвалж: Дархан-Уул аймгийн Онцгой комисс

Холбоотой мэдээ