АВТОМАШИНЫ АЗЫН ДУГААРЫН ДУУДЛАГА ХУДАЛДАА НЭГДҮГЭЭР САРЫН 10-НААС ЭХЭЛНЭ

2022-01-05 17 0

Зам тээврийн хөгжлийн сайдын 2020 оны 11 дүгээр сарын 18-ны өдрийн А/222 тоот тушаалаар батлагдсан “Автотээврийн хэрэгслийн бүртгэл хөтлөх, улсын дугаар олгох журам”-ын хүрээнд тээврийн хэрэгслийн улсын бүртгэлийн дараах дугааруудыг худалдах нээлттэй цахим дуудлага худалдааг зарлажээ

Дуудлага худалдаа 2022 оны 1 дүгээр сарын 10-ны өдрөөс 2022 оны 2 дугаар сарын 9-ний өдрийн хооронд болох юм байна.

  • Дуудлага худалдааны цахим хаяг: auction.transdep.mn
  • Дуудлага худалдаанд тавих дэнчингийн хэмжээ: 50,000 / тавин мянган /төгрөг
  • Дуудлага худалдааны бүртгэл: Оролцогчдыг дуудлага худалдаа явагдахаас 3 хоногийн өмнөөс хүлээн авч бүртгэн дэнчинг хүлээн авах бөгөөд дуудлага худалдаа явагдах өмнөх өдрийн 23 цаг 00 минутад бүртгэл хаагдана. /Хугацаа хоцорсон хүсэлтийг хүлээн авах боломжгүйг анхаарна уу./
  • Худалдан авах гэрээний нөхцөл: Хамгийн өндөр үнэ өгсөн оролцогч тухайн дуудлага худалдааны ялагч болох бөгөөд худалдан авсан улсын дугаарын үнийг 24 цагийн дотор төлж, “Улсын бүртгэлийн дугаар олгох гэрээ” байгуулснаар баталгаажна.

Дуудлага худалдаатай холбоотой бусад мэдээллийг дээрх цахим хаягийн асуулт хариулт цэсээс харах боломжтой бөгөөд 70070030, 1900-1234 дугаарт хандахыг Автотээврийн Үндэсний Төвөөс мэдээллээ.

Холбоотой мэдээ